Dante

Þá er 1.des , fullveldisdagurinn, gengin í garð.  Að því tilefni hafði ég hugsað mér að koma með uppskrift að skemmitlegum súkkulaði/kaffidrykk.  Þessi drykkur heitir Kaffi Dante og er ættaður frá Kaffitári.

Byrjað er á því að setja appelsínusneið í glas eða könnu.  Svo er ca tvöfaldur (stór) expressó látinn renna yfir.  Best er náttúrulega að notast við expressó úr vél eða mokkakönnu.  Það er hægt að notast við sterka uppáhellingu en kaffi fyllingin verður ekki jafn góð.  Þegar þetta er komið er heitu súkkulaði helt saman við.  Ég mæli alltaf með ekta súkkulaði en það má vel notast við swiss miss eða eitthvað annað. Bara að muna að þetta er heitur drykkur.  Að lokum er skellt rjóma á toppinn og yfir hann er stráð flórsykri og kanil

Appelsínubátur (sneið)

Stór expressó

Heit súkkulaði

Rjómi

Flórsykur

Kanill

Ég mun halda þessu áfram á aðventunni að koma með skemmtilegar og jólalegar kaffiuppskriftir.  Bæði gamlar og góðar og einhverjar nýjar sem mig langar að prófa.  Endilega að prófa og ef ykkur vantar ráð eða hafið spurnigar endilega að kommenta og ég mun svara eins og ég get.  Svo minni ég á að inni á vef Kaffitárs er hægt að nálgast margar góðar kaffiuppskriftir fyrir nýjungagjarna kaffiunendur.

Athugasemdir

[Haffi, 1.12.2007 kl. 20:17]

Áttu ekkert sem er megrandi, -ég sem talsmaður feita fólksins sem er í megrun þurfum eitthvað gott fyrir jólin lika

[Ingvar Valgeirsson, 2.12.2007 kl. 19:04]

Hér er líka kaffiuppskrift - hálffyllið bolla af góðu viskíi. Fyllið upp með kaffi. Drekkið svo og njótið vel.

Einnig er drykkurinn ágætur ef maður sleppir kaffinu.