Sturtan tilbúin í dag

Það er búið að vera að taka baðherbergið í gegn hjá mér, átti að taka 3-4 daga en núna er 8 dagurinn.  Ég held að það sé svolítið vanmetið að hafa ekki aðgang að baði heima hjá sér.  Ég hélt að það væri sko ekkert mál að fara bara í sund í nokkra daga en vá hvað það getur verið þreyttandi eftir erfiðan vinnudag og svo langar og strangar æfingar fram á kvöld að geta ekki hent sér í sturtu og beint upp í rúm.  En nú sér fyrir endan á þessu og ég ætti að komast í sturtu heima hjá mér í kvöld.... mikið tilhlökkunarefni það.

En að öðrum nótum ég var í háskólabíói að hella upp á kaffi fyrir Al Gore og félaga.  Það var hresst allt topplið kaffitárs á svæðinu og voða stuð hjá okkur.  Stærsta uppákoma Kaffitárs til þessa og gaman að sjá hvað hún heppnaðist vel.